Un mot per l'aute

Ça-vietz, gausatz passar la pòrta de Tannhäuser entà descobrir un univèrs enqüèra desconeishut, lo men. Qu’ei tot de vueit e d’escuranha hèit. Qu’i luseish estelas moribonas, qui desesperan de non pas mei estar los fars per la nueit deu cosmòs. Dab flaquèr que desapareishen, las ua per las autas, en eslamaradas atomicas. Lo camin de las estelas qu’ei d’ara enlà perdut.

Mes au còr d’aqueth caòs, ua lutzeta que tremoleja, esperant l’òra bona entà lusir mei hòrt que las soas davancèras. Pacienta e encarada, que creish shens nat brut entà vàder la qu’ei tostemps voluda estar.

Planvenguts au men univèrs.

Remesi Boy